Follow by Email

Thursday, 22 November 2012

पा   ब   ज़ंजीर  थीं   हालात  की  मारी  चीख़ें 
आह   बनकर   ही  निकल पाईं  हमारी चीख़ें 

चीख़ते    चीख़ते     कुहराम    मचा   रखा  है
 फिर  भी  सुनता  है यहाँ  कौन तुम्हारी चीख़ें 

सुनने   वाला   ही   नहीं  था कोई तनहाई थी
 सिसकियाँ बन  गईं  आख़िर  में हमारी चीख़ें 

पहले    देखा   न  सुना  दर्द  का मातम ऐसा
 वो   समाअत    पे  सरकती  हुई  आरी  चीख़ें 

 शोर  करना  तो  था  ममनूअ  तिरी बस्ती में
 तो   सियाही  से   हैं  काग़ज़ पे उतारी  चीख़ें 

गूंजती   ही  रहीं   जंगल  की  फ़ज़ाएं   पैहम
  जब  तलक  पड़  न  गईं  सांस  पे भारी चीख़ें 

 हो   गया  चीख़  के  ख़ामोश   परिंदा  लेकिन
  मुद्दतों   तक    रहीं  माहौल    पे  तारी   चीख़ें 

 फिर   ज़मीं   पर   कोई  हंगाम   हुआ  चाहे है
  हो    रही   हैं  सुना   अफ़लाक  से जारी चीख़ें 

   एक   दिन   फूट के निकलेगा  सदा का दरिया
   हमने  सीने   में  छुपा   रखी  हैं   सारी   चीख़ें 
मनीष शुक्ल 
پا  ب  زنجیر  تھیں  حالات  کی ماری چیخیں
 آہ  بنکر  ہی   نکل    پایئں    ہماری   چیخیں

چیختے    چیختے   کھرام   مچا  رکھا  ہے 
پھر  بھی سنتا ہے یہاں کون تمہاری چیخیں

سننے  والا  ہی نہیں تھا  کوئی  تنہائی  تھی 
سسکیاں   بن گیئں آخر  میں  ہماری  چیخیں 

پہلے   دیکھا    نہ  سنا  درد  کا  ماتم  ایسا 
وہ  سماعت   پہ  سرکتی  ہوئ  آری  چیخیں 

شور کرنا   تو تھا ممنوع  تری  بستی  میں 
تو سیاہی سے  ہیں  کاغذ  پہ  اتری  چیخیں 

گونجتی  ہی  رہیں  جنگل  کی  فضایں   پیہم 
جب تلک پڑ نہ گیئں سانس پہ بھاری چیخیں 

ہو   گیا    چیخ   کے  خاموش   پرندہ  لیکن 
مدّتوں تک رہیں   ماحول  پہ  طاری  چیخیں 

پھر زمیں  پر  کوئی  ہنگام  ہوا  چاہے  ہے 
ہورہی  ہیں سنا  افلاک  سے  جاری  چیخیں 

ایک  دن پھوٹ کے نکلے گا  صدا  کا   دریا 
ہمنے سینے میں چھپا رکھی ہیں ساری چیخیں 
منش شکلا

ہمنے اپنے غم  کو   دہرایا   نہیں
وہ   پرانا   گیت   پھر  گایا   نہیں

جسکو  پانے  کی  دعا  مانگا   کے
وہ  ملا بھی  تو  اسے  پایا   نہیں

جسم کی سرحد  سے  باھر  آ گیی
اب  محبّت   پر  کوئی  سایا   نہیں

چاند   کی  غمگین  آنکھیں  دیکھکر
ہمنے    اپنا   حال     بتلایا   نہیں

یہ تو ہے اسسے بچھڑ  کر پھر کبھی
دل  کسی  پتھر  سے  ٹکرایا   نہیں

اک دفعہ آے  تھے ہم بھی ہوش میں
پھر  کبھی  ویسا  نشہ  چھایا  نہیں

بعد   مدّت   کے  ملا  تھا  آج    وہ
آج  ہمنے  دل  کو   سمجھایا   نہیں

اسکے دامن  کی  ہوا  کیا  تھم  گیئ
اب کے موسم  خوشبوئیں  لایا  نہیں

چارہگر  کی  کیا  کہیں  ہمنے  کبھی
خود   کو   اپنا  زخم  دکھلایا  نہیں

آج   کتنی   مدّتوں   کے   بعد   پھر
دل   اکیلے  میں  بھی  گھبرایا  نہیں
منش شکلا





سفر   کے  ختم  کا  امکان  ہے  کیا
اب   آگے  راستہ  سنسان  ہے  کیا

  عجب اک خوف سا طاری ہے دل پہ
خموشی   میں   نہاں  طوفان ہے کیا

مداوا    کیوں   نہیں  کرتا  ہے آخر
مرے دکھ سے  خدا  انجان  ہے  کیا

لرزتے ہاتھ سے  پڑھتا  ہے  قاصد
کسی  کی  موت  کا  فرمان  ہے  کیا

بچھڑ جانے کی باتیں  کر  رہے  ہو
بچھڑ   جانا   بہت   آسان   ہے  کیا

بہت  غمگین  ہیں   آنکھیں  تمہاری
مرا  منظر   بہت   ویران  ہے  کیا

جو  ہر   لمحہ   بدلتا  جا  رہا  ہے
یہی  چہرہ  مری  پہچان  ہے  کیا
منش شکلا

Tuesday, 20 November 2012

اگر  سچ  ہو گیئ میری دعا  تو
اچانک   وہ  کہیں مل ہی گیا تو

پلٹنے کی  اجازت تو نہیں ہے
مگر  دینے  لگا  کوئی  صدا  تو

وہ خود  بھی دیر تک روتا رہے گا
اگر  اس نے مجھے رونے دیا  تو

یہی    ہے  زندگی   بھر  کا  اثاثہ
اگر یہ زخم بھی  بھرنے  لگا  تو

تصوّر سے لرز جاتا ہوں جسکے
اگر   اسکو  کسی  دن  دیکھتا  تو

مجھے   معلوم    ہیں   آداب   الفت
مگر   ہو  ہی  گیئ   کوئی  خطا  تو

مداوا    تو  نہیں  ممکن   تھا  کوئی
مگر   وہ   حال  میرا   پوچھتا   تو

بہت کچھ که  رہی تھیں اسکی آنکھیں
زباں سے  بھی مگر  کچھ  بولتا  تو

وہ جنکے ذکر سے نم  ہو  گیا  ہوں
اگر   ان   بارشوں  میں  بھیگتا  تو

منش شکلا





Monday, 19 November 2012


ہر کسی کے سامنے  تشنلابی  کھلتی  نہیں
اک سمندر کے سوا سبسے ندی کھلتی نہیں

خودنمائی  کے  لئے  اک  آئینہ  بھی  چاہیے
جھیل پہ پڑنے سے پہلے چاندنی کھلتی نہیں

شام کے ڈھلنے سے پہلے یہ چراغاں کس لئے
تیرگی گہری نہ  ہو  تو روشنی  کھلتی  نہیں

دل کے رشتوں میں ضروری ہیں بہت بیباکیاں
ہو  تکلّف   درمیاں   تو  دوستی  کھلتی  نہیں

اب   ہمارے   بیچ  دروازہ  نہیں  دیوار  ہے
اور کوئی دیوار دستک سے کبھی کھلتی نہیں

ہر  نیا  دن  لے  کے  آتا ہے نیی  حیرانیاں
آخری سانسوں  تلک یہ  زندگی  کھلتی  نہیں

ہم جنوں کی سرحدیں   بھی  پار کر  اے  مگر
آگاہی کی  راہ  اسکے  بعد  بھی  کھلتی  نہیں
منش شکلا