Follow by Email

Wednesday, 18 January 2017



غزل 

بہلنے  لگی  ہے ذرا سی  نمی  سے 
بھروسا  ہی اٹھنے لگا تشنگی  سے 

بہت  بے نیازی  دکھائی  تھی  ہمنے 
سو وہ بھی جدا ہو گیا بے رخی سے 

بہت  دن   کا  غصّہ  اتارا  کسی  نے 
اچانک  الگ  ہو   گیا   زندگی   سے 

تمھیں   ہم  سناتے  ہیں  اپنی  کہانی 
مگر  اس کا چرچہ نہ کرنا کسی سے 

تمہارے   لئے  غم  اٹھانے   پڑینگے 
تمھیں ہم نے چاہا ہے اپنی خوشی سے 

اب  اس کے پلٹنے کا امکاں  نہیں ہے 
وہ  اٹھ کر  گیا  ہے بڑی بے دلی سے 

بہت  بے  تکلّف  نہ  ہو  پاے  ہم  بھی 
سو  وہ  بھی  نہ آگے بڑھا دللگی سے 

ہمیں   آج  اپنے ا ندھیرے  ملے  ہیں 
مخاطب  ہوئے  ہیں  نئی  روشنی سے 

بس  اب  یاد  آنے  کی زحمت نہ کرنا 
تمھیں  ہم  بھلاتے  ہیں  لو آج ہی سے 

منیش شکلا 

Tuesday, 17 January 2017



मुख़ालिफ़ीन को हैरान करने वाला हूँ। 
मैं अपनी हार का ऐलान करने वाला हूँ। 

अब हमारे बीच दरवाज़ा नहीं दीवार है,
और कोई दीवार दस्तक से कभी खुलती नहीं। 

किसी के इश्क़ में बरबाद होना। 
हमें आया नहीं फ़रहाद होना। 

हमने तो पास ए अदब में बंदापरवर कह दिया,
और वो समझे कि सच में बंदापरवर हो गए। 

हर सलाह दुनिया की दरकिनार की हमने। 
ख़्वाब के इशारे पर जां निसार की हमने। 

तुम्हें पाने की ख़्वाहिश है मगर छूने से डरते हैं। 
सुना है ओस के क़तरे बड़ी जल्दी बिखरते हैं। 

तुम अपनी बात कहना जानते हो ,
तुम्हें लफ़्ज़ों की आसानी मुबारक। 

सभी से ऊब कर यूँ तो चले आए हो ख़ल्वत में ,
मगर ख़ुद से भी उकताने में कितनी देर लगती है। 

तुझे मुकम्मल करना था इक हिस्सा मेरे क़िस्से का ,
मुझको तेरे अफ़साने में इक किरदार निभाना था। 

हम चराग़ों की मदद करते रहे ,
और उधर सूरज बुझा डाला गया। 

Monday, 2 January 2017

گر    ادھر   چلے  آتے   تم  کسی  بہانے   سے 
 ہم    نجات   پا  جاتے  دو  گھڈی  زمانے  سے 


جب    کبھی  اکیلے   میں  پاس  آ کے بیٹھی ھے 
لگ  کے خوب روے ہیں  زندگی کے شانے سے 


صرف    اشک  دے  کر  ہی  تم  خرید  سکتے ہو  
ہم     نکل   کے   آے   ہیں  درد کے خزانے سے 


شب   کو  شب  بنانے  کے  اور  بھی شرایط ھیں 
رات    ہو  نهیں   جاتی   چاند   جگمگانے   سے 


درد     تھا  قرینے سے چھپ کے رو لئے ہو تے 
کیا     ملا   بھلا   اس   کو   مدعا    بنانے   سے 


ایک دن ستاروں سے مل کے ان سے پو چھینگے  
ا وب   کیوں   نهیں   جاتے  روز   جھلملانے سے 


یہ   الگ   کہ   أخر   میں   ہم  ہی   جیت  جاینگے 
فائدا     نہیں    لیکن    بات    اب   بڑھانے   سے 


عمر   بھر   کی   رندی  نے  بس  یهی  سکھایا ہے 
پیاس   اور   بڈھتی   ہے   پیاس  کو  بجھانے سے 


دکه  تو  ہے  حسیں  منظر  آنکھ  سے  ہوا  اوجھل 
نیند  کھل   گیئ   لیکن   خواب   ٹوٹ   جانے  سے 

منیش شکلا 
دشت میں خاک اڑانے سے کہاں تک بچتے
ہم  ترا  ہجر  منانے  سے  کہاں  تک بچتے

اتنے پر لطف اشارے تھے ترے لفظوں میں
ہم  تری  بات میں آنے سے کہاں تک بچتے

جس  سے  ملتے  وہ  تجارت  پہ  اتر آتا تھا
خود  کو  بازار  بنانے  سے کہاں تک بچتے

ہم   نے  ہر   جرم  سر  بزم   کیا   تھا  تسلیم
لوگ پھر سنگ اٹھانے سے کہاں تک بچتے

ہم  کو  ہر  طور  زمانے  سے  گزر  کرنا تھا
ہم   بہر حال    زمانے  سے  کہاں تک بچتے

ہم  ہی  ہر  بار  ہدف  بن  کے چلے آتے تھے
تم  بھی  پھر تیر چلانے سے کہاں تک بچتے

ایک     دن  جان  گیا   سارا   زمانہ   جس  کو
خود  کو  وہ  بات  بتانے سے کہاں تک بچتے

منیش شکلا