بہت  کچھ  بھر  گیا  کیا کیا  اکٹھا ہو گیا  مجھ میں 

مناظر پڑ گئے دھندلے دھواں سا ہو گیا  مجھ میں 

مرے   باہر  کا  شور و غل  مرے  اندر  کا  سنّا ٹا 

اچانک  مل گئے اور پھر  دھماکہ ہو گیا  مجھ میں 

اندھیرا تھا تو کچھ ذرّ ے چمکتے تھے سیاہی میں 

اجالے  میں  تو  اب بالکل  اندھیرا ہو گیا مجھ میں 

کسی  نے  ایک چنگاری خس و خاشاک پر پھینکی 

نہ  جانے  کیا  جلا  دل  میں  اجالا  ہو  گیا مجھ میں 

وہ پھولوں سا ہنسیں چہرہ اچانک ہنس پڑا مجھ پر 

لگا  جیسے کہ اک  دم  سے سویرا ہو گیا مجھ میں 

میں  خود  کو  نامکمّل  لگ  رہا تھا ایک مدّت سے 

تجھے  چھو  کر لگا جیسے اضافہ ہو گیا مجھ میں 

کئی  دن  سے  تری  یادیں  نہیں آ ئیں  عیادت   کو 

ترا  غم  بھی  مرے  جیسا  اکیلا  ہو  گیا  مجھ  میں 

منیش شکلا 

कहने  को  रख  रखाव  तिरा बेमिसाल  है। 

लेकिन ये  रख  रखाव ही ख़ुद में सवाल है। 

कैसा   अजीब     रंग    है    तेरे   दयार   का ,

सब  हंस  रहे  हैं  और  लबों  पर  मलाल है। 

मैं  छू रहा हूँ  तुझको  मगर  लम्स  के  बग़ैर ,

कुछ  दिख  नहीं  रहा है ये कैसा विसाल है। 

कैसे  कहूँ   कि  रोज़  अयादत  को  आईये ,

कैसे  कहूँ   कि  आज   तबीयत  बहाल  है। 

मैंने  कहा   कि   चाँद   सितारे   निसार  दूँ ,

उस  ने  कहा  कि  ये  तो पुराना ख़याल है। 

आओ  कि  आज   टूट  के  रोएं तमाम रात ,

हम  तुम  हैं  आस्मां  है  ज़मीं है हिलाल है।

 देखो  कि  एक  क़ाफ़िला  होने  चले हैं हम ,
तन्हा  भी जिस जगह से गुज़ारना मुहाल है।

मनीष शुक्ला 

کہنے    کو  رکھ    رکھاؤ   ترا   بے  مثال  ہے 

لیکن  یہ  رکھ  رکھاؤ ہی  خود  میں  سوال  ہے 

کیسا    عجیب    رنگ    ہے   تیرے    دیار  کا 

سب  ہنس  رہے   ہیں   اور  لبوں  پر  ملال  ہے 

میں  چھو رہا ہوں  تجھ  کو مگر لمس  کے بغیر 

کچھ  دکھ    نہیں   رہا   ہے  یہ  کیسا وصال  ہے 

کیسے   کہوں     کہ   روز    عیادت    کو  آئیے 

کیسے     کہوں   کہ     آج    طبعیت   بحال  ہے 

میں   نے   کہا   کہ   چاند   ستارے   نثار  دوں 

اس  نے    کہا   کہ   یہ    تو   پرانا   خیال   ہے 

آؤ    کہ   آج    ٹوٹ   کے   روییں   تمام  رات 

ہم  تم  ہیں  آسماں  ہے  زمیں   ہے    ہلال  ہے 

  دیکھو  کہ  ایک  قافلہ  ہونے   چلے   ہیں   ہم 
تنہا  بھی  جس   جگہ  سے   گزرنا  محال  ہے 

منیش شکلا