وہی   منظر     دوبارہ    دیکھنا     ہے 

اسے سارے   کا    سارا  دیکھنا   ہے 

شبیہیں  چھین  لو آنکھوں  سے  ساری  

اسے    بے    استعارہ      دیکھنا    ہے 

وہ  جس  نے راکھ کر ڈالا  تھا   ہم   کو 

وہ  شبنم   کا     شرارہ    دیکھنا    ہے 

ابھی  تک سحر میں جس کے بندھے ہیں  

وہ   جادو   کا     نظارہ      دیکھنا    ہے 

ہماری      آخری     قیمت       لگا    دو 

 ہمیں   پورا     خسارہ      دیکھنا     ہے 

ہمیں     پروا      نہیں    موج     بلا کی 

فقط    اس   کا    اشارہ     دیکھنا   ہے 

کنارے    سے   بھنور  کو دیکھتے ہیں  

وہاں   جا    کے   کنارہ    دیکھنا    ہے 

منیش 

ہم  آ  کے   لوٹ   گئے  تھے   جہاں   بلایا   تھا 

تمھارے   ساتھ   کوئی   دوسرا   بھی   آیا   تھا 

ہمیں   بھی  دشت  کی  وسعت  کو  پار کرنا  تھا 

ہمارے    پاس    مگر   آنسوں    کا    سیا   تھا 

ہم   اپنے   آپ   کا   کس   سے خطاب  کر  لیتے 

ہر   ایک   شخص   وہاں   بزم   میں   پرایا  تھا 

وہ   اک   زمین   کا  ٹکڑا   اداس   ہے   اب  تک 

ہمارے   خواب   کو   تم   نے   جہاں  گرایا   تھا 

ستارہ   بن   کے    فراموش   کر   دیا    ہم    کو 

ہمیں   نے  خاک  سے  تم  کو  کبھی  اٹھایا  تھا 

اب   اپنے  آپ  سے  سب  کچھ  اتار  پھینکا ہیں 

تمھارے  واسطے  خود   کو  کبھی  سجایا   تھا 

ہمارے  پاس  بھی  ایسے   حسین   لمحے  تھے 

جب    اپنے   آپ   کو  ہم   نے  بہت   رلایا   تھا 

تمھاری   اور   زمانے   کی   کیا   کہیں  ہم   دم 

خود   اپنے   آپ   کو   ہم  نے   بہت  ستایا  تھا 

ہمیں  بھی  چاند  نے  بخشا  تھا  چاندنی  جھومر 

ہماری    رات   کا    ماتھا   بھی   جگمگایا   تھا 

ہمارا     ہوش     اچانک     سنبھل     گیا   ورنہ 

 ہمارا    جسم      کئی      بار      ڈگمگایا       تھا 

تمھاری     بات   پہ  ہم  کو  یقین  بھی  کم   تھا 

تمھاری   آنکھ  میں آنسو  بھی   جھلملایا    تھا 

ہمیں بھی برق نے بخشی تھیں عظمتیں کچھ  پل 

ہمارے    نام    کا   پتھر    بھی     تمتمایا    تھا 

منیش شکلا 

وہ    بظاھر   فقیر    بنتا    ہے 

اس   کی شہ  پر  وزیر بنتا ہے 

آدمی  ہی سے عبرتیں بھی ہیں 

آدمی    ہی     نظیر    بنتا   ہے 

چار  دن  کا یہ کھیل  تھوڑی ہے 

کوئی  صدیوں میں  میر بنتا ہے 

وہ  نگاہیں کہاں  سے لاتے  ہو 

جن سے نظروں کا  تیر  بنتا  ہے 

قید  کرتا  ہے  وہ ہمیں خود ہی 

اور   خود  ہی   اسیر   بنتا  ہے 

اور سب یوں ہی فوت ہوتے ہیں 

بس    پیادہ     وزیر    بنتا   ہے 

سب   کی  نظریں  اتار  لیتا  ہے 

تب   کوئی   بے  نظیر  بنتا  ہے 

منیش شکلا 

شور و غل  کے بعد  سناہے جاینگے 

اصلی نغمیں دشت میں گاے   جاینگے 

پہلے  ہم  کو  بزم  میں  لایا  جاےگا 

پھر  اس  کے  آداب  سکھاے  جاینگے 

کچھ دن تک مہمان نوازی  بھی ہوگی 

بام  و  در  کچھ  روز  سجاے  جاینگے 

آنکھوں کو  کچھ  دن  بہلایا  جاے گا 

سچے جھوٹے  عکس  دکھاے جاینگے 

ماضی  کا   ہر   باب    تلاشا   جاےگا 

سارے   مجرم  دار  پہ  لاے    جاینگے 

شام کے وقت بدن سے باہر نکلے ہیں 

جانے  کتنی  دور  یہ   ساے   جاینگے 

سب  کو  اصلی  بات  بتانی  ہی  ہوگی 

کب  تک  یوں  ہی  بات بناے جاینگے 

منیش 

جو ابھی تک  نہیں  کہا  کہتے 

کاش  اک  شعر  تو  نیا  کہتے 

تو ہی قصّے میں جا بجا ہوتا 

تیرا  قصّہ  ہی  جا   بجا  کہتے 

تم  تو خاموش ہو گئے مل کر 

یار  کچھ  تو   بھلا   برا  کہتے 

سب  کی  آواز  مختلف   نکلی 

ہم   کسے   اپنا   ہم نوا  کہتے 

 ایک  لمحہ  نہ  مل  سکا  ایسا 

جس کو صدیوں کا سلسلہ کہتے 

ہوش  باقی  جو   رہ  گیا  ہوتا 

تیری آنکھوں کو مے کدہ  کہتے 

کاش   بےکار  ہو   گئے  ہوتے 

سب  ہمیں کچھ تو  کام  کا کہتے 

جو  بھی  ہو  زندگی  ہماری ہے 

شرم   آتی  ہے   بد مزہ   کہتے 

اپنی  پلکیں  جھپک گیں ورنہ 

لوگ  ہم  کو  بھی  دیوتا   کہتے 

منیش 

ناخداؤں   کی   سرپرستی  میں 

جی رہے ہیں خدا کی بستی میں 

سنگ  ساری سے در نہیں لگتا 

چوٹ کھائی ہے گل پرستی میں 

رہن  رکھنی  پڑی   ہیں  تعبیریں 

خواب دیکھا تھا تنگ  دستی میں 

ایری غیری  شراب  مت  چھونا 

فرق ہوتا ہے مہنگی سستی میں 

تیرے  چاہے   بغیر   مٹ   جائے 

اتنی  جرأت  کہاں ہے ہستی میں 

لوگ  پتھر  کے  ہو گئے  دیکھو 

اتنا  ڈوبے  ہیں  بت  پرستی میں 

جب  سے  آتش  فروش اے ہیں 

آگ  لگنے  لگی  ہے  بستی میں 

چلتے چلتے نکل گئے خود سے 

ہم  بھی  دیوانگی کی مستی میں 

اب    تو   ہم  کو  عروج  پر   لاؤ 

کب سے ڈوبے ہوئے ہیں پستی میں 

منیش شکلا 

بعض   اوقات   بھی   نہیں   کرتے 

اب  تری   بات  بھی   نہیں   کرتے 

ایک  تو  دھوپ  چھین لی اس  پر 

ابر   برسات    بھی   نہیں    کرتے 

اب    کوئی    اجنبی    نہیں   لگتا 

اب   ملاقات    بھی    نہیں   کرتے 

کتنا  کچھ  بھر گیا ہے سینے میں 

اور   ہم  بات   بھی    نہیں   کرتے 

ہم   اگر تجھ  سے بد گماں   ہو تے 

تو   سوالات    بھی   نہیں    کرتے 

وہ   ہی   سارے  فساد کی جڈ ہیں 

اور  فسادات   بھی    نہیں   کرتے 

شب  کی  تنہائیوں  کی خواہش  ہے 

دشت   میں  رات  بھی  نہیں  کرتے 

منیش شکلا