جانے کس رنگ نے لکھا ہے مجھے 

ہر کوئی  صاف  دیکھتا  ہے  مجھے 

کوئی    بیٹھا    ہوا   ستاروں    میں 

عرش  کی  سمت کھینچتا ہے مجھے 

تیرے    ہونٹوں  پہ  کیوں  نہیں  آتا 

تیرے  چہرے  پہ جو دکھا ہے مجھے  

میں   جسے   راستہ    دکھاتا   تھا 

طاق  پر  وہ  ہی رکھ گیا  ہے  مجھے 

میں  نے  اس  پار   جھانکنا   چاہا 

آسماں  ساتھ  لے  گرا  ہے   مجھے 

میں  نے  آنکھیں  نچوڈ  کر رکھ دیں 

اب  کہاں  خواب سوجھتا ہے  مجھے 

ایک     چہرہ     ہی   ہو    گیا    مبہم 

اور  سب   کچھ   تو  یاد  سا    مجھے 

ہر      سحر      تیرگی     لئے    اے 

جانے  کس  شب  کی بددعا ہے مجھے 

میرا     سارا     بدن     پسیج      گیا 

بھیگی نظروں سے کیوں چھوا ہے مجھے 

منش شکلا 

        غزل 

          حسیں خوابوں کے بستر سے اٹھانے آ گئے شاید 

          نے   سورج  مری  نیندیں  اڑانے  آ گئے    شاید 

          بہت  مایوس  نظروں سے ہماری اور  تکتی  ہے 

          سفیران  سحر   شب   کو   بلانے  آ گئے    شاید 

           کہانی  اک  نے عنوان  پہ   آنے  ہی   والی   تھی 

           مگر   پھر  بیچ  میں  قصّے  پرانے  آ گئے   شاید 

           لبوں پر مسکراہٹ ٹانک لیتے ہیں  سلیقے   سے 

           ہمیں   بھی  درد کے رشتے نبھانے آ گئے   شاید 

           ہمارا درد آسکوں میں نہیں شعروں میں ڈھلتا ہے 

           ہمیں  بھی  ٹھیک سے آنسو بہانے آ گئے   شاید 

           ہماری  وحشتیں حد سے  زیادہ  بڑھ   گئں   آخر 

            ہمارے  رقص  کرنے  کے  زمانے  آ گئے   شاید 

            ہمارا  نام لے لیکر پکارے ہے  ہر اک شے   کو 

            سنا  ہے ہوش منزل  کے ٹھکانے  آ گئے   شاید 

منش شکلا 

 ग़ज़ल 

मुख़ालिफ़ीन   को  हैरान  करने  वाला हूँ। 

मैं  अपनी  हार का  ऐलान करने वाला हूँ। 

सुना   है दश्त  में  वहशत  सुकून पाती है ,

सो   अपने  आपको वीरान करने वाला हूँ। 

फ़िज़ा   में छोड़  रहा हूँ  ख़याल का  ताइर ,

सुकूत  ए  अर्श को  गुंजान करने वाला हूँ। 

गिरा   रहा  हूँ  ख़िरद   की  तमाम  दीवारें 

जुनूँ  का  रास्ता  आसान  करने  वाला हूँ। 

हक़ीक़तों   से  कहो   होशियार   हो   जाएं ,

 मैं अपने ख़्वाब को मीज़ान करने वाला हूँ। 

कोई  ख़ुदा ए मुहब्बत को बाख़बर कर  दे ,
 मैं ख़ुद को इश्क़ में क़ुर्बान करने  वाला हूँ। 

सजा रहा हूँ तबस्सुम का इक नया लश्कर ,

हुजूम  ए यास का नुक़सान करने वाला हूँ। 

मनीष शुक्ला  

غزل 

مخالفین   کو   حیران   کرنے   والا   ہوں 

میں  اپنی ہار  کا اعلان  کرنے  والا   ہوں 

سنا ہےدشت  میں وحشت سکون پاتی ہے 

سو   اپنے آپکو  ویران  کرنے  والا  ہوں 

فضا  میں  چھوڈ  رہا  ہوں  خیال  کا  طایر 

سکوت  عرش  کو  گنجان  کرنے  والا ہوں 

مٹا   رہا   ہوں   خرد   کی  تمام   تشبیہیں 

جنوں  کا   راستہ  آسان   کرنے  والا  ہوں 

حقیقتوں    سے   کہو   ہوشیار   ہو جایئں 

میں اپنے  خواب کو میزان کرنے والا ہوں 

کوئی    خدا   محبّت   کو   باخبر   کر  دے  

میں خود کو عشق میں قربان کرنے والا ہوں 

سجا  رہا   ہوں   تبسّم   کا   اک   نیا   لشکر 

ہجوم   یاس  کا  نقصان  کرنے   والا   ہوں 

منش شکلا 

محترم جناب مظفر علی صاحب 

آداب ،

آپکا دعوتنامہ دستیاب ہوا -آپکو آنے والی فلم جانثار کے لئے مبارکباد

امید ہے کہ یہ فلم بھی امراؤ جان کی طرح ایک شاہکار ثابت ہوگی -

اس سلسلے میں تاریخ ١٦ اگست کو منعقد ہونے والے مشاعرہ میں 

شرکت کا  دوتنامہ بھی دستیاب ہوا - میں آپکا ممنون ہوں کہ اپنے 

مجھے اس باوقار جشن میں شریک ہونے کا موقع فراہم کیا ہے -

انشا الله میں اپنے کلام کے ساتھ وقت پر حاضر ہونگا   

آپکا 

منش شکلا

 غزل

 کاغذوں  پر مفلسی  کے  مورچے  سر ہو گئے

اور   کہنے  کے   لئے   حالات   بہتر  ہو   گئے

پیاس  کی  شدّت  کے  ماروں کی  اذیت دیکھئے 

خشک  آنکھوں میں ندی کے خواب پتھر ہو گئے 

ذرّا  ذرّا  خوف  میں  ہے  گوشہ  گوشہ  جل رہا 

اب کے  موسم کے نہ جانے کیسے تیور ہو گئے 

سب  کے سب  سلجھا رہے ہیں آسماں کی گتھیاں 

مسلۓ   سارے  زمیں  کے حاشیے   پر  ہو  گئے 

اک    بگولا  دیر  سے نظروں میں ہے ٹھہرا ہوا 

گم  کہاں  جانے  وہ  سارے  سبز  منظر  ہو  گئے 

پھول  اب  کرنے  لگے  ہیں  خودکشی  کا فیصلہ 

باغ  کے  حالات  دیکھو  کتنے  ابتر    ہو   گئے 

ہم نے   تو  پاس  ادب  میں  بندہ  پرور  کہہ  دیا 

اور  وہ  سمجھے  کہ سچ میں بندہ پرور ہو گئے 

منش شکلا  

منش شکلا  

ولد -  شری اودے شنکر شکلا 

پیدایش - ١٩٧١

تعلیم - ایم اے لکھنو یونیورسٹی

 پتہ  ٨/٤ دالی باغ آفیسرس کالونی

لکھنؤ

ذریہ معا ش - سرکاری نوکری

بیس برس سےغزل گوئی کی کوشش جاری ہے

بہت سے رسائل اور اخبارات میں شایع

مشا عروں  میں شرکت

ٹی  وی ریڈیو کے مشا عروں اور نشستوں میں شرکت

٢٠١٢ میں غلوں کا مجموعہ " خواب پتھر ہو گئے "  شایع

جس پر اتر پردیش اردو اکادمی اور سرکار کی طرف سے عزاز دئے  گئے