Follow by Email

Tuesday, 26 August 2014





کسی بھی شے پہ آ جانے میں کتنی دیر لگتی ہے ؟
مگرپھر دل کو  سلجھانے میں کتنی دیر لگتی ہے

ذرا سا وقت لگتا ہے کہیں سے اٹھ کے جانے میں
مگر پھر لوٹ کر آنے میں کتنی دیر لگتی ہے

بلا کا روپ یہ تیور سراپا دھار ہیرے کی
کسی کے جان سے جانے میں کتنی دیر لگتی ہے ؟

فقط  آنکھوں کی جمبش سے بیاں ہوتا ہے افسانہ
کسی کو حال بتلانے میں کتنی دیر لگتی ہے

سبہی سے اوبکر یوں تو چلے آے  ہو خلوت میں
مگر خود سے بھی اکتانے میں کتنی دیر لگتی ہے

شعور میکدہ اسکی اجازت ہی نہیں   دیتا
وگرنہ جام چھلکانے میں کتنی دیر لگتی ہے ؟

یہ شیشے کا بدن لیکر نکل تو آے ہو لیکن
کسی پتھر سے ٹکرانے میں کتنی دیر لگتی ہے ؟

منش شکلا


No comments:

Post a Comment