Follow by Email

Thursday, 25 May 2017




کام  بے  کار  کے    کئے   ہوتے 
کاش  ہم ٹھیک سے  جئے   ہوتے 

رقص    کرتے   خراب  حالی   پر 
اشک  غم   جھوم  کر پئے  ہوتے 

درد       ناقابل      مداوا      تھا 
ہاں  مگر  زخم  تو   سئے   ہوتے 

در  حقیقت  تو   خواب  تھی  دنیا 
ہم بھی خوابوں میں جی لئے ہوتے 

ایک  خواہش  ہی  رہ گئی دل  میں 
ہم ترے    طاق   کے   دئے  ہوتے 

تو  نہ  ہوتا  تو  اس  خرابے  میں 
سب  کے  ہونٹھوں پہ مرثیے  ہوتے 

بزم    اپنے    عروج    پر   ہوتی 
اور   ہم  اٹھ  کے  چل  دئے  ہوتے 

نا    مکمّل     رہی    غزل     اپنی 
کاش   کچھ   اور     قافئے   ہوتے 
منیش شکلا 

No comments:

Post a Comment