Follow by Email

Monday, 3 April 2017



غم خوشی اچھا برا سب ٹھیک تھا
زندگی میں جو ہوا سب ٹھیک تھا

آج ویرانے میں آکر یہ لگا
شور و غل موج بلا سب ٹھیک تھا

زندگی جیسی بھی تھی اچھی رہی
بے سبب جو کچھ کیا سب ٹھیک تھا

اب خلا میں آ کے اندازہ ہوا
آندھیاں باد صبا سب ٹھیک تھا

اب کہانی سے نکل کر یہ لگا
ابتدا تا انتہا سب ٹھیک تھا

وہ سفینہ وہ سمندر وہ ہوا
وہ ابرنا ڈوبنا سب ٹھیک تھک

کم سے کم ساتھی فراہم تھا کوئی
بے وفا یا با وفا سب ٹھیک تھا
منیش شکلا 

No comments:

Post a Comment