Monday 3 April 2017



لغزش  کا  اعلان  کیا  ہم  دونوں  نے 
جرم  عظیم ا لشان  کیا  ہم  دونوں نے 

اک  دوجے کو آخر  حاصل کر  بیٹھے 
خود  اپنا  نقصان  کیا  ہم  دونوں  نے 

پہلے  سنّاٹوں  کی  محفل  لگتی  تھی 
صحرا  کو  ویران  کیا  ہم  دونوں  نے 

دنیا  جس رستے  کو مشکل کہتی تھی 
وہ  رستہ  آسان   کیا  ہم  دونوں  نے 

لوگ  ہمیں  اغیار سمجھتے تھے شاید 
لوگوں  کو  حیران  کیا  ہم  دونوں  نے 

عشق  کا  پھندا  ڈال  لیا ہے گردن میں 
پھانسی  کا  سامان  کیا  ہم  دونوں نے 

قربانی  کا  مطلب  بھی  معلوم  نہ  تھا 
خود کو  جب  قربان  کیا  ہم  دونوں نے 

دانائی  سے  عشق  کہاں  ہو  پاتا  ہے 
خود  کو  کچھ  نادان کیا  ہم دونوں  نے 

اک  دوجے  کو   اک لمحے میں تول لیا 
آنکھوں  کو  میزان  کیا  ہم  دونوں  نے 

ہونٹھوں  کو  اک  نئی  کہانی  بخش گئے 
دنیا   پر   احسان   کیا   ہم   دونوں  نے 
منیش شکلا 

No comments:

Post a Comment