Follow by Email

Saturday, 25 June 2016

            غزل

   جانے  کس شے کے   طلبگار  ہوئے   جاتے  ہیں

کھیل    ہی  کھی   میں  بیمار   ہوئے  جاتے  ہیں


قافلہ     درد  کا    چہرے   سے  گزر  جاتا   ہے

ضبط     کرتے  ہیں  تو اظہار  ہوئے  جاتے  ہیں


کون  سے خواب سجا بیٹھے ہیں ان آنکھوں میں

کن   امیدوں  کے   گرفتار   ہوئے   جاتے   ہیں


دن    گزرتا   ہے   عبث  رات   گزر  جاتی   ہے

رفتہ    رفتہ  یوں  ہی  بیکار   ہوئے جاتے  ہیں


راستے   جو   کبھی   ہموار   نظر   آتے   تھے

دیکھتے   دیکھتے  دشوار  ہوئے  جاتے   ہیں


توبہ  کرنا  جو  ضروری  ہے  عبادت  کے  لئے

تو   خطا    کرکے  گنہگار   ہوئے  جاتے   ہیں


جتنا   کھلتے  ہیں  ادھر  اتنی  گرہ  پڑتی    ہے

ہم   کہ   ہر  روز   طرحدار   ہوئے   جاتے  ہیں


کوئی  گھٹتا  ہی  چلا  جائے  ہے  پیہم  ہم  میں

اپنے  اوپر   ہی  گرانبار   ہوئے   جاتے     ہیں
  
منش  شکلا  

No comments:

Post a Comment