Follow by Email

Thursday, 9 June 2016





پیروں   کی  من مانی  میں  ہم 
گھٹنوں  گھٹنوں  پانی  میں ہم 

تھوڑی دیر  حقیقت  میں  ہیں 
پھر   تبدیل    کہانی   میں  ہم 

منزل    اتنا  دور  نہیں     تھی 
جتنا   تھے  حیرانی    میں  ہم 

ساحل   نے  تو  سمجھایا  تھا 
ڈوبے     نافرمانی   میں    ہم 

پردے کے  پیچھے عریاں ہیں 
پوشیدہ    عریانی     میں   ہم 

ہم  کو  رونا  ہی    واجب   تھا 
ہنستے  ہیں   نادانی  میں   ہم 

اک  دن  تم کو  ہی  رکھ لینگے 
اپنے   پاس   نشانی   میں  ہم 
منیش شکلا 

No comments:

Post a Comment