Follow by Email

Tuesday, 7 June 2016




یہ سب جو ہو رہا ہے وہ تو پہلے بھی ہوا  تھا 
ہمارے  نام  کا  خطبہ بھی کل  جاری  ہوا  تھا 

چمن  کی  پرسشوں  پر تم  عبث  اترا رہے  ہو 
ہمارا  خیرمقدم  بھی  کبھی  یوں  ہی  ہوا  تھا 

انھیں راہوں سے مثل حکمراں گزرے تھے ہم بھی 
ہمارے  واسطے  بھی  راستہ  خالی  ہوا  تھا 

اسی  منبر  نے گلپوشی بھی دیکھی تھی  ہماری 
اسی  ممبر  پہ   یہ   سارا  بدن  زخمی  ہوا  تھا 

تمھاری  ہی طرح مایوس لوٹے تھے کبھی ہم 
ہمارا دل بھی محفل میں یوں ہی بھاری ہوا تھا 

ہماری کاوشیں بھی ناتواں ٹھہری   تھیں یوں ہی 
ہمارا  حوصلہ  بھی  شرم  سے  پانی  ہوا تھا 

بہت   جلدی  ہمارے  نام  سے  اکتا  گئے سب 
ہمارے   نام  کا  چرچا  یہاں   کافی  ہوا   تھا 

منیش شکلا 


No comments:

Post a Comment